ရေ .. ရေ .. ရေ ..

ရေအသက် တစ်မနက်လို့ ဆိုပါတယ်။

ရေမရှိပဲ သာမန်လူတစ်ယောက်ဟာ တစ်ပတ်လောက်ပဲ အသက်ရှင်နိုင်ပါတယ်။
ထားပါတော့၊ လိုရင်းကတော့ လောလောဆယ်မြန်မာပြည်မှာ ရေရှားနေတဲ့ ကိစ္စပါ။
သောက်ရေနဲ့ ချက်ပြုတ်စရာ “ရေ” မှမရှိရင် ... အကျိုးဆက်တွေက မတွေးချင်
စရာပါ။

ဒါပေမယ့် မတွေးလို့လည်း မရပြန်ပါဘူး။ ကိုယ့်ပြည်သား ညီအကို မောင်နှမတွေ
မဟုတ်လား။ အထူးသဖြင့် သာမန်အခြေအနေမှာတောင် ဝေးဝေးလံလံက ကန်၊
ဆည်ရေတွေကို အားကိုးနေပြီး ရေခပ်၊ ထမ်းနေကြရသူတွေကို ခဏတာသာကြုံခဲ့
ဖူးပေမယ့် ကိုယ်ချင်းစာမိပါတယ်။ သူတို့ရဲ့ဘဝ အချိန်အတော်များများဟာ ရေ
တစ်မျိုးထဲအတွက်တင် ကုန်လွန်နေခဲ့ကြပါတယ်။ ခုလိုအခြေအနေမှာတော့ မတွေး
ရဲစရာပါ။

ဘယ်လိုပဲဖြစ်ဖြစ် တွေးရပြန်ပါတယ်။

ပထမအပိုင်းကတော့ NLD နဲ့ NGO တွေရဲ့အပိုင်းပါ။ လူမှုရေး လှုပ်ရှားချင်ပါတယ်
ဆိုထားတဲ့အတိုင်း ဒီအခု အခွင့်အရေးတစ်ခု အခက်အခဲတစ်ရပ်အနေနဲ့ ထပ်ပေါ်
လာပြန်ပါပြီ။ အချိန်လည်း သိပ်တော့မရှည်နိုင်ပါ။ ရတုန်းမယူနိုင်ရင်တော့ ပြည်သူ
တွေကို ထပ်ကာထပ်ကာ တောင်းပန်ရင်း မဆုံးနိုင်တဲ့ဇာတ်ကို “က” မသွားဖို့ သတိ
တော့ အပေးချင်သားပါ။ ခက်တာက ကိုယ်လိုအညတရရဲ့ စကားကလည်း ဘယ်
လောက်အထိမှ မပေါက်နိုင်တော့လည်း အခက်သားကလား။ လက်ရှိလုပ်နေတာ
တွေဟာ အကန့်အသတ်တွေကြားထဲက လုပ်နေကြရတယ်ဆိုတာတော့ နားလည်
ပေးလို့ရပေမယ့် ရေရရှိရေးအကူအညီပေးတာတွေ ထိထိရောက်ရောက် တကယ်
တန်းလုပ်နိုင်မှ သမိုင်းလှပါလိမ့်မယ်။ သမိုင်းလှမှလည်း နောက်တစ်ဆင့်စီကို
ဆက်လုပ်ဖို့ လွယ်ကူသွားမှာပါ။

နောက်တစ်ခုက ကိုယ်ကိုယ်တိုင်နဲ့ ပတ်သက်ပါတယ်။

ဖြစ်နိုင်ရင် ရေလှူချင်ပါတယ်။ ဒါပေမယ့် ကိုယ်ရောက်နေတာက အများနဲ့ သီးခြား
လိုဖြစ်နေလို့ ဆက်သွယ်လှူတန်းဖို့ အခက်အခဲရှိပါတယ်။ ငွေကြေးမရှိတာကိုတော့
အကြောင်းမပြလိုပါ။ ရှေ့မှာတုန်းကလည်း မဖြစ်နိုင်လို့ မကူနိုင်၊ မလှူနိုင်ခဲ့တာတွေ
ကို စိတ်မကောင်း၊ နောင်တရခဲ့မိတာမျိုးတွေ ရှိခဲ့ဖူးပြီမို့ ထပ်မကြုံလိုတော့ပါ။
ခုစာရေးနေရင်းနဲ့ နည်းလမ်းတွေတွေးနေမိပါတယ်။ စာလာဖတ်သူတွေကိုလည်း
လှူတန်းကြဖို့ ဖိတ်ခေါ်အကြံပြုလိုပါတယ်။ မိုင်ပေါင်းများစွာဝေးရာမှာ ရေသွားခပ်
နေကြရသူတွေ၊ ရေအတွက် ခိုက်ရန်ဖြစ်နေကြရတဲ့ အနိဋ္ဌာရုံတွေ၊ နဂိုကမှ စားဝတ်
နေရေးခက်ခဲရာက အသက်ဆက်ဖို့ ရေမရှိဖြစ်နေကြရသူတွေအကြောင်းလောက်
တွေးမိရုံနဲ့တင် ရေလှူတန်းဖို့ အကြောင်းရင်း လုံလောက်တယ်လို့ ယုံကြည်ပါတယ်။

အမြန်လုပ်ကြရအောင်၊ အချိန်နဲ့ ရေဟာ လူကိုမစောင့်ပါ။
မန်းကိုကို