ကရင်ရိုးရာကောက်သစ်စားပွဲနှင့် ဖှီ့ဗူးယော်(ဖီ့ဗူးယ၀်) ပူဇော်ပွဲ အကြောင်းသိကောင်းစရာ

ကရင်ရိုးရာကောက်သစ်စားပွဲနှင့် ဖှီ့ဗူးယော်(ဖီ့ဗူးယ၀်) ပူဇော်ပွဲ အကြောင်းသိကောင်းစရာ
ကရင်အမျိုးသားတိုင်း ကျယ်ကျယ်ပြန့်ပြန့်သိရှိနိုင်ရန် ရည်ရွယ်လျက်လက်လှမ်းမှီရာ တတ်နိုင်သမျှရှာဖွေ စုဆောင်းတင်ပြအပ်ပါသည်။
ကရင့်ရိုးရာဓလေ့ပွဲတော်များ
ကရင်လူမျိုးတို့ ၏ ရှေးဘိုးဘွားဘီဘင်များသည် ၀ိညာဉ်ကိုယုံကြည်ကြသည်။ ၀ိညာဉ်လိပ်ပြာသည် လူ၏ခန္ဓာကိုယ်တွင် ပူးကပ်မှီတွယ်နေပြီး လိပ်ပျြာနှင့်အတူရှိသောသူသည် ကျန်းမာသည်၊ သန်စွမ်းသည်၊ စိတ်ဓါတ်ကြံခိုင်မှူရှိသည်ဟု ယုံကြည်ကြ၏။
ထို့ အတူ သစ်ပင် သီးနှံတို့ တွင်လည်း ၎င်းတို့ ကိုကာကွယ်စောင့်ရှောက်သောဝိညာဉ်ရှိသည်ဟု ယုံကြည်ကြသည်။ တနည်းအားဖြင့် အပင်တို့ ကိုစောင့်ရှောက်သော နတ်ဟုဆိုနိုင်သော ရုက္ခစိုးနတ်ကောင်းနတ်မြတ်တို့ ရှိသည်ဟု ယုံကြည်ကြ သည်။ ထိုနည်းအတူ တောင်ယာတွင် တောင်ယာကို စောင့်ရှောက်သောနတ်၊ လယ်မြေကို စောင့်ရှောက်သောနတ်များအပြင် လူနေအိမ်တွင် အိမ်ကိုစောင့်ရှောက်သောနတ်ဟူ၍ ရှိသည်ကို ယုံကြည်ကြသည်။
ထိုယုံကြည်မှူများကြောင့်ကရင်လူမျိုးတို့ တွင် လယ်ယာလုပ်ငန်းနှင့်ပတ်သက်သောပွဲတော်၊ ရိုးရာဓလေ့ပွဲတော် အမျိုးမျိုးရှိကြသည်။ ၎င်းရိုးရာဓလေ့ပွဲတော်များမှာ-----
(၁) တောင်ယာနတ်စားချိန်ပွဲတော်၊
(၂) တော်ယာခုတ်ချိန်ပွဲတော်၊
(၃) တော်ယာစူးထိုးချိန်ပွဲတော်၊
(၄) တောင်ယာစပါးရိတ်သိမ်းချိန်ပွဲတော်၊
(၅) ရေမြောင်းတာတမံပူဇော်ပွဲတော်၊
(၆) ပျိုးပင်လိပ်ပြာခေါ်ပွဲတော်၊
(၇) စပါးပုံလိပ်ပြာခေါ်ပွဲတော်၊
(၈) ရိုးရာကောက်သစ်စားပွဲတော်နှင့်ဖီ့ဗူးယော်ပူဇော်ပွဲတော်၊
(၉) အိမ်သစ်တက်မင်္ဂလာပွဲတော်၊
(၁၀) ထိမ်းမြားမင်္ဂလာလက်ထပ်ပွဲတော်၊
(၁၁) ရွာလုံးကျွတ်လိပ်ပြာခေါ်ပွဲတော် (ခေါ်)၀ါခေါင်လချည်ဖြူပွဲ မင်္ဂလာပွဲတော်၊
(၁၂) အရိုးကောက်ပွဲတော်၊
(၁၃) နှစ်သစ်ကူးပွဲတော် စသည်ဖြင့် ပွဲတော်အမျိုးမျိုးရှိကြသည်။ သူ့ အချိန်အခါနှင့်သူ သူ့ နေရာ၊နှင့်သူ ပုံစံအမျိုးမျိုးကျင်းပကြသည်။
ဖီ့ဗူးယော်အား ရိုးရာပွဲဇော်ပွဲတစ်ရပ်အဖြစ် လက်ခံကျင်းပခြင်း
ကရင်လူမျိုးတို့ သည် စပါးကိုစောင့်ရှောက်သော စပါးလိပ်ပြာ (သို့ ) စပါးစောင့်နတ် (ဖီ့ဗူးယော်) ရှိသည်ဟုယုံကြည်ကြသည်။ ဖီ့ဗူးယော်ကို ပူဇော်ခြင်းအားဖြင့်စပါးသည် ပျက်စီးလေလွင့်မှုနည်းပါးပြီး ပိုမို၍အထွက်တိုး၏။ ရှိပြီးသားစပါးတို့ သည်လည်း စားသုံးမှုအစဉ်လုံလောက်ပြီး မသိမသာတိုးပွားမြဲဖြစ်သည်ဟုယုံကြည်ကြ၏။ ထိုယုံကြည်ချက်အရ ဖီ့ဗူးယော်ကို ရိုသေသမှုပြုသောအားဖြင့် ရိုးရာပူဇော်ပွဲတစ်ရပ်အဖြစ် လက်ခံကျင်းပကြသည်။
ကြိုတင်ပြင်ဆင်မှုလုပ်ငန်းများအဆင့်ဆင့် ဆောင်ရွက်ခြင်း
ကရင်လူမျိုးတို့ သည် လယ်ယာမြေထွန်ယက်ပြီး၍ စိုက်ပျိုးရန်သင့်မြတ်သော ရက်မြတ်သို့ ရောက်လာလျှင် ဦးစွာလယ်မြေ ကွက်၏ဒေါင့်စွန်းတို့ ၌ စပါးပင်(၇)ပင် (သို့ ) မျိုးကောက်ချက်(၇)ချက်ကို စိုက်ထားရသည်။၎င်းစိုက်ထားသော စပါးပင်များကို ကျွဲနွားတိရိစ>ာန် များမဖျက်ဆီးနိုင်အောင်ကောင်းစွာကာရန်ထားကြသည်။၎င်းဖီ့ဗူးယော်စပါးစိုက်ပြီးမှသာကျန်လယ်မြေကွက်ကိုဆက်လက်စိုက်ပျိုးကြသည်၊၊အကယ်၍ရက်ကောင်းမြတ်နေ့ တွင် စပါးစိုက်ပျိုးရန်အခြေအနေမပေးပါကစတိသဘောဖြင့်ဖီ့ဗူးယော်စပါးကိုစိုက်ပျိုးထားကြသည်။နောင်အဆင်ပြေးသောအချိန်မှသာကျန်သောလယ်ကွက်ကိုစိုက်ပျိုးကြသည်။၎င်းပြုလုပ်ချက်ကိုကရင်လူမျိုးတို့ ကလောင်းဆိုက်ခွတ်(လင်ဆိက်ခေါဟ်)ဟုခေါ်ဆိုကြသည်။အချိန်တန်၍စပါးရင့်မှည့်ချိန်ရောက်သောအခါတွင်လည်းစပါးကွက်များကိုဦးစွာရိတ်ပြီးစပါးစည်းများက်ိုတလင်းတွင်စုပုံထားကြသည်။စပါးစည်များတလင်းသို့ အားလုံးစုံပုံပြီးမှသာဖီ့ဗူးယော်စပါးကိုပြန်ရိတ်ရသည်။ဖီဗူးယော်စပါးကိုရိပ်သိမ်းပြီးသောအခါစုစည်းပြီးဝါးကိုင်း၏ထိပ်ဖျားတွင်ချည်နှောက်ကာတွဲလွဲချထားရသည်။(၀ါးကိုင်းကိုထိပ်ဖျားအရွက်အခက်များချန်းလှပ်ပြီး၊အရင်ပ်ိုင်းအရွက်အခက်များချန်းလှပ်ပြီးအရင်ပိုင်းအရွက်အခက်များကိုသပ်ချပ်ရသည်)၎င်းအပြင့်ယက်ထားသော

ရိုးရာကောက်သစ်စားပွဲ ကျင်းပခြင်း
ကရင်လူမျိုးတို့ သည် မိရိုဖလာ တောင်ယာလုပ်ငန်းများဖြင့် ၊ ရှေးဦးမဆွကပင် လုပ်ကိုင်ပြီး အသက်မွေးဝမ်းကြောင်း ပြုခဲ့ကြသည်။ တောင်ယာလုပ်ငန်းများမှ ပေါ်ထွက်လာသည့် သီးဦးသီးဖျားများဖြင့် ရိုးရာကောက်သစ်စားပွဲကို ကျင်းပလေ့ရှိကြသည်။ သို့ သော် ကရင်လူမျိုးကို မြန်မာနိုင်ငံသို့ ရေကြည်ရာမြက်။နုရာရောက်လာကြသည့်အခါ ရေမြေဒေသ ခြားနားစွာနေထိုင်မှု ခေတ်အဆက်ဆက် ဖြတ်သန်းလာခဲ့ရသော ခရီးကြမ်းတို့ ကြောင့် ပတ်ဝန်းကျင်နီးစပ်မှုနှင့် ဘာသာယုံကြည်မှုကိုနွယ်၍ ကောက်သစ်စားပွဲ ကျင်းပသည့်နေ့ ရက်များ ကွဲပြားလာခဲ့ကြသည်။ဒေသအလိုက် ကောက်သစ် စားပွဲတော် ကျင်းပပြုလုပ်လေ့ရှိသော နေ့ ရက်များမှာ အောက်ပါအတိုင်းဖြစ်သည်။
(၁) မိရိုးဖလာကို ကိုးကွယ်သော တောင်ပေါ်ဒေသနေ ကရင်တို့ သည် တစ်နှစ်တာ တောင်ယာလုပ်ငန်းပြီးစီး၍ အရိုးကောက်ပွဲများ ပြုလုပ်ပြီးမှသာ ကျင်းပလေ့ရှိခြင်း။
(၂) ကရင်ပြည်နယ် ဖါးအံနှစ်ခြားဒေသရှိ လဲကယ်ဘာသာဝင် ကရင်တို့ သည် နယုန်လအတွင်း ပထမအပတ် စနေနေ့ (မူထုန်း)တွင် ကျင်းပလေ့ရှိခြင်း။
(၃) ကရင်ပြည်နယ် ဖါးအံဒုံရင်းဒေသရှိ လဲကယ်ဘာသာဝင်ကရင်တို့ သည် တန်ဆောင်မုန်းလ ပထမအပတ် စနေနေ့ (မူထုတ်)တွင် ကျင်းပလေ့ရှိခြင်း။
(၄) မြေပြန့် ဒေသနေ ကရင်အချို့ နှင့် ထိုင်း(ယိုးဒယား)ရှိ ကရင်အချို့ တို့ က ပြာသိုလဆန်း တစ်ရက်နေ့ တွင် ကျင်းပလေ့ရှိခြင်း။
(၅) ကရင်ပြည်နယ် တလာကူရသေ့ ဗုဒ္ဓဘာသာဝင် အချို့ က တပေါင်းလပြည့်ကျော် တစ်ရက်နေ့ တွင် ကျင်းပလေ့ရှိခြင်း။
စသည်ဖြင့် ဘာသာယုံကြည်မှုအရ ကွဲပြားလေ့ရှိကြသည်။ သို့ သော် ရိုးရာကောက်သစ်စားပွဲတော်နှင့်အတူ ဖီ့ဗူးယော်ပူဇော်ပွဲကို ယှဉ်တွဲလျက်ကျင်းပလေ့ရှိကြသည်။ လုပ်ငန်းလုပ်ဟန် အနည်းငယ်ကွဲပြားမှုရှိသော်လည်း ရည်ရည်ချက်ကား အတူတူပင်ဖြစ်သည်။
ကရင်လူမျိုးတို့ သည် ရိုးရာကောက်သစ်စားပွဲတော်၌ နောဟ်ပွဲ(ခေါ်) နပန်းပွဲ လက်ဝှေ့ ပွဲ ၊ သြပွဲများဖြင့် အင်အားပြ၊ သတ္တိပြ၊ ကျန်းမာသန်စွမ်းမှုကို ပြသောယှဉ်ပြိုင်ပွဲများ ကျင်းပကြုသည်။
ရိုးရာကောက်သစ်စားပွဲ (အင်းလင်ဗူးသင့်ခေါဟ်) နှင့်အတူ ဖီ့ဗူးယော်အား ပူဇော်ပွဲကို ပျော်ရွင်စွာ ဆင်ယင်ကျင်းပပြီးနောက် တလင်းရှိစပါးများကို စပါးကျီသို့  ထည့်သွင်းရလေသည်။ ကျေးရွာအလိုက်အများနှင့် သက်ဆိုင်သည့် စပါးကျီ (သို့ ) ရွာပိုင်းစပါးကျီကို သင့်လျော်သည့်နေရာတွင် သတ်မှတ်ဆောက်လုပ်ထားကြသည်။ စပါးကျီတွင်းသို့  စပါးအားလုံးထည့်သွင်း ပြီးမှသာလျှင် ဖီ့ဗူးယော်စပါး၊ ၎င်း၏ မျိုးစေ့ဥ (အ်ုခီု့ ) ဖြစ်သော မြေစာလုံးခဲတစ်လုံးနှင့် ၎င်းအား ပူဇော်ပသထားသော ပုလိုင်းငယ်တို့ ကို စပါးကျီ၏အပေါ်ထောင့် တစ်နေရာတွင် တင်ထားပြီး တစ်နှစ်ပတ်လုံး ဖီ့ဗူးယော်ကိုယ်စား စပါးကျီကို စောင့်ရှောက်စေလသည်။အချို့ မှာ ဖီ့ဗူးယော်တိုင်ထိတ်တွင် ဖီ့ဗူးယော်ကိုယ်စား သိန်းငှက်ိရုပ်ပြုလုပ်ချိတ်ဆွဲထားကြသည်။ သိန်းငှက်ရုပ်ရှိုခြင်းဖြင့် ကြွက်၊ ငှက် ၊ ကြက်များ စပါးကိုလာရောက်ဖျက်ဆီးမှုကို ကာကွယ်သည်။ သိန်းငှက်ကကြွက်၊ ငှက် ၊ကြက်များကို ထိုးသုတ်ချီယူ စားသောက်ခြင်းအားဖြင့် စပါးကိုဖျက်ဆီးသည့်အန္တရာယ်များကို ကာကွယ်ရန် ရည်ရွယ်၍ သိန်းငှက်ရုပ်ကို ချိတ်ဆွဲကြခြင်းဖြစ်သည်။
ယနေ့  ဖီ့ဗူးယော် ပူဇော်ပွဲ ကျင်းပသည့်အခါ ဖီ့ဗူးယော်အား ပြန်လည်ပိုိ့ဆောင်သောအားဖြင့် လူစုလူဝေးများ တန်းစီပြီး အိုးစည်၊ ဖါးစည်များဖြင့် တပျော်တပါးပို့ ဆောင်ကြပြီး ပျော်ပွဲရ္နင်ပွဲတစ်ရပ်အဖြစ် ကျင်းပကြသည်ကို တွေ့ ရပေသည်။
ဖီ့ဗူးယော်ပူဇော်ပွဲ ကျင်းပခြင်းအခမ်းအနားအစီအစဉ်
ဖီ့ဗူးယော်ပူဇော်ပွဲကို နှစ်သစ်ကူးနေ့ နံက်ပိုင်းတွင် ပြုလုပ်လေ့ရှိကြသည်။ နံနက်နေအာရုံတက်ချိန်တွင် ကရင်အမျိုးသားအလံတော်အား လွင့်ထူခြင်း၊ နှစ်သစ်ကူးနေ့  အထိမ်းအမှတ်ဟောပြောပွဲများ ပြုလုပ်ခြင်းများ ပြီးနောက် ဖီ့ဗူးယော်ပူဇော်ပွဲကို တစ်ဆက်တည်းကျင်ပကြသည်။ ဖီ့ဗူးယော်ပူဇော်ပွဲပြုလုပ်သည့် အခမ်းအနားအစီအစဉ်မှာ အောက်ပါအတိုင်းဖြစ်သည်။
ပွဲတော်အကြီးအမှူး (၁)ဦးနှင့်အရန်(၂)ဦးတို့ က၊ ရာဇမတ်ဝင်းအတွင်းသို့  စတင်နေရာယူခြင်း။
နေ့ (၇)နေ့ စုံသော အဖိုး (၇)ဦးနှင့် အဖွား (၇)ဦးတို့ က မြေငယ်များခြံရန်လျက် နေရာယူခြင်း။
ပွဲတော်အကြီးအမှူးမှစပါးလိပ်ပြာများအသီးသီးပြန်လည်ဝင်ရောက်လာစေရန်နှင့် ဖီ့ဗူးယော်အား မှာတမ်းချွေသောအားဖြင့် ရွတ်ဖတ်ပူဇော်ခြင်း။
ပွဲတော်အကြီးအမှူးက ဦးဆောင်လျက် အဖိုးအဖွားနှင့် မြေးငယ်များအားလုံး ရာဇမတ်ဝင်းအတွင်းမှ ပြန်လည်ထွက်ခွါခြင်း။
အထက်ပါအခမ်းအနားအစီအစဉ်ဖြင့် ဆောင်ရွက်ရာတွင် ဆောင်ရွက်သည့် လုပ်နည်းလုပ်ဟန်များမှာ အောက်ပါအတိုင်းဖြစ်သည်။
ပွဲတော်အကြီးအမှူးများနေရာယူအပြီးတွင် နေ့ (၇)နေ့ စုံသော အဖိုး(၇)ဦးနှင့်အဖွား(၇)ဦးတို့ သည် မြေးငယ်များက ခြံရံလိုက်ပါလျက် ရာဇမတ်ဝင်းအတွင်းသို့  ဆက်လက်နေရာယူကြသည်။ ရာဇမတ်ဝင်းအတွင်းရှိ စပါးပုံအား လက်ယာရစ် ဖြင့် (၃)ပတ်တိတိလှည့်ပတ်ပူဇော်ပြီးနောက် စပါးပုံ၏ လက်ယာဘက်တွင် အဖိုး(၇)ဦးကလည်းကောင်း၊ လက်ဝဲဘက်တွင် အဖွား(၇)ဦးကလည်းကောင်း ၊ နေ့ နာမ်အလိုက်အသီးသီးနေရာယူကြသည်။ မြေးငယ်များက အဖိုးအဖွား၏ နောက်၌ နေရာယူကြသည်။ထိုသို့ နေရာယူပြီးချိန်တွင် ပွဲတော်အကြီးအမှူးသည် စပါးလိပ်ပြာများအသီးသီး ပြန်လည်ဝင်ရောက်လာစေရန်နှင့် ဖီ့ဗူးယော်အား မှာတမ်းချွေသောအားဖြင့် ကရင်ဘာသာဖြင့် စတင်၍ ရွတ်ပါသည်။ ပွဲတော်အကြီးအမှူးရွတ်ဖတ်ပူဇော်ခြင်း ပြီးဆုံးသည့်အခါတွင် အဖိုးအဖွားများက စပါးပုံအား အမွှေးနံသာရည်များ ပက်ဖြန်းကြပြီး မြေးငယ်များက ပေါက်ပေါက်ဆုပ်များ ကြဲပက်ကြသည်။ ပြီးနောက် ပွဲတော်အကြီးအမှူးက ရှေ့ဦးမှ ဦးဆောင်ပြီး အဖိုးအဖွားနှင့်မြေးငယ်များတို့ နောက်မှ ခြံရံလိုက်ပါလျက် ရာဇမတ်ဝင်းအတွင်းမှ အသီးသီးပြန်လည်ထွက်ခွါကြသည်။
ပွဲတော်၌ဧည့်ခံကျွေးမွေးရန် အသင့်ပြုလုပ်ထားသော ရိုးရာစားဖွယ်သောက်ဖွယ်များ ခေါင်ရည်များကို ပွဲတော်လာပရိတ်သတ်များအား တည်ခင်းဧည့်ခံကျွေးမွေးကြသည်။ ကရင်ယဉ်ကျေးမှု လူငယ်မောင်မယ်များကလည်း ပရိတ်များအား ရိုးရာတေးသီချင်းများဖြင့် ဖျော်ဖြေပေးကြသည်။
နိဂုံး
ဖီ့ဗူးယော်ပူဇော်ပွဲကို ကရင်လူမျိုးများနေထိုင်ရာ ကျေးလက်ဒေသများတွင် နှစ်သစ်ကူးနေ့ အခမ်းအနားနှင့်အတူ ယခင်က ယှဉ်တွဲပြုလုပ်ခဲ့ကြသော်လည်း နောက်ပိုင်းတွင် မှေးမှိန်လာကာ ပျောက်ကွယ်လုနီးပါး ဖြစ်နေပေသည်။ ကရင်ပြည်နယ် ကရင်စာပေနှင့်ယဉ်ကျေးမှု တိုးတက်ဖြန့် ပွားရေးအသင်းသည် ပျောက်ကွယ်လုနီးပါးဖြစ်သော ဖီ့ဗူးယော်ပူဇော်ပွဲရိုးရာဓလေ့ကိုဖေါ်ထုတ်ထိမ်းသိမ်းမြှင့်တင်သောအားဖြင့် ဖါးအံမြို့ ပေါ်တွင်ကျင်းပသော ကရင်အမျိုးသားနှစ်သစ်ကူးနေ့ ပွဲတော်များတွင် သရုပ်ပြပွဲအဖြစ် ကျင်းပပြသနိုင်ခဲ့သည်။အဆိုပါ သရုပ်ပြပွဲမှ ရိုက်ကူးထားသော မှတ်တမ်းဓါတ်ပုံများကို ရန်ကုန်မြို့  တပ်မတော်စစ်သမိုင်းပြတိုက်တွင် အများပြည်သူလေ့လာနိုင်ရန် ချိတ်ဆွဲပြသထားသည်။
ကရင်အမျိုးသားတိုင်း မိမိတို့ ၏ ရိုးရာယဉ်ကျေးမှု အမွေအနှစ်များကို အမြတ်တနိုးဖေါ်ထုတ်ထိမ်းသိမ်း မြှင့်တင်နိုင်ကြပါစေ ဟူ၍ ဆန္ဒပြုအပ်ပါသည်။

ဆက်လက်ဖတ်ရှုမယ်...

ပြန်သိမ်းမယ်...

ကရင်အမျိုးသားနှစ်သစ်ကူးနေ့

ကရင်အမျိုးသားနှစ်သစ်ကူးနေ့ 
လူမျိုးအသီးသီးတို့ သည် မိမိတို့ ၏ပတ်ဝန်းကျင် သဘာဝ၊ တောတောင်၊ ရေမြေ၊ ရာသီဥတု၊ သစ်ပင်ပန်းမန်၊နေ၊ လ၊ နက္ခတို့ ကို လေ့လာမှတ်သား၍၊ အချိန်ကာလ အပိုင်အးခြားတို့  ခွဲခြားသိမြင်ကြသည်။
ကရင်လူမျိုးတို့ သည် ရှေးပဝေသဏီကစ၍ အချိန်အကန့် အသတ်ကို ကြည့်ပြီး၊ တစ်ရက်၊ တစ်လ၊ တစ်နှစ် ဟု သတ်မှတ်ကာ အမည်နာမပေးကြပါသည်။ မိမိတို့ ၏ ပထမလကို စကောကရင်ဘာသာဖြင့် “သလေ” ပိုးကရင်ဘာသာဖြင့် “ထိုက်ခေါက်ဖိုး”ဟု ခေါ်ကြပါသည်။
ထိုသို့  တစ်နှစ်ဆန်းလျှင် မိမိတို့  ဓလေ့ထုံးစံအရ၊ ပျော်ပွဲရွှင်ပွဲများ ကျင်းပခြင်း၊ ယစ်နတ်ပူဇော်ခြင်း၊ လူကြီးသူမများအား ကန်တော့ခြင်းများကို ပြုလုပ်ကြပါသည်။
-“နှစ်သစ်ကူးနေ့ ရောက်လာပြီ
-ရေချိုးခေါင်းလျှော် စိတ်သန့် စင်
- လူကြီးသူမ ကန်တော့ကြ
-ဆုံးမ ပဲ့ပြင်နာခံမှတ်”။
ကရင်အမျိုးသားများသည် “သလေ”လ ၊ (ထိုက်ခေါက်ဖိုး)ကို ပထမလအဖြစ် သတ်မှတ်၍ လဆန်းတစ်ရက်နေ့ ကို နှစ်သစ်ကူးနေ့ အဖြစ် သတ်မှတ်ခဲ့ပါသည်။ “သလေ”လ ၊ (ထိုက်ခေါက်ဖိုး)လသည် မြန်မာအားဖြင့် “ပြာသိုလ”ဖြစ်၍ ပြာသိုလဆန်းတစ်ရက်နေ့ သည် “ကရင်နှစ်သစ်ကူးနေ့ ဖြစ်ပါသည်။
သို့ သော်လည်း ရှေးအခါက ဤနေ့ ဤရက်ကို ကရင်နှစ်သစ်ကူးနေ့ အဖြစ် မြေပြန့် ဒေသကရင်အချို့ နှင့် တောင်ပေါ်ကရင်အချို့ တို့ သည် နှစ်ပေါင်းများစွာကတည်းက ကျင်းပခဲ့ကြပါသည်။
သို့ ရာတွင် ကရင်ခရစ်ယာန်ဘာသာဝင်များသည် အပြည်ပြည်ဆိုင်ရာနှစ်သစ်ကူးနေ့ ဖြစ်သော ဇန်န၀ါရီလ တစ်ရက်နေ့ ကို ကျင်းပသည့်နည်းတူ၊ ကရင်ဗုဒ္ဓဘာသာဝင်များသည်လည်း တန်ခူးလ (သင်္ကြန်)အပြီး နှစ်ဆန်းတစ်ရက်နေ့ ကို ကျင်းပကြပါသည်။
ထို့ အပြင် ကရင်လူမျိုး ဖိုးပိုက်ဆံဘာသာဝင်များသည် တပို့ တွဲလဆန်း (၄)ရက် နေ့ ကို၎င်း၊ ရသေ့ဘာသာဝင် ကရင်များကလည်း တပေါင်းလပြည့်ကျော်(၁)ရက်နေ့ ကို၎င်း အသီးသီး ကရင်နှစ်သစ်ကူးနေ့ ကို တကွဲတပြားဆီ ကျင်းပခဲ့ကြပါသည်။
ထိုသို့  နှစ်သစ်ကူးနေ့ ကို အကွဲကွဲအပြားပြား ကျင်းပကြသောကြောင့် စိတ်ဝမ်းကွဲမှုများလည်း ရှိနေကြပါသည်။ ကရင်အမျိုးသားခေါင်းဆောင်ကြီးများဖြစ်ကြသော ဒေါက်တာ တီသံပြာ၊ ဦးလူနီ၊ ဒေါက်တာမြတ်စံ၊ ဦးစံလုံးနှင့် အခြားသော ကရင်အမျိုးသားခေါင်းဆောင်ကြီးများ ပါဝင်သော “ဒေါကလူ”ခေါ် ကရင်အမျိုးသားအသင်းကြီး၊ Karen National Association (KNA)၊ အသင်းကြီးကို (၁၈၈၁) ခုနှစ်တွင် တည်ထောင်ခဲ့သည်။ ၎င်းအချိန်က မြန်မာနိုင်ငံတွင် မည်သည့်နိုင်ငံရေးအဖွဲ့ အစည်းမှ မရှိသေးပေ။
ထိုအသင်းကြီးက “ကရင်နှစ်သစ်ကူးနေ့ ”ကို တနေ့ တည်း ကျင်းပလျှင် ပို၍သင့်လျှော်ကြောင်း သိရှိသည်။ ထို့  ကြောင့် အနယ်နယ်အရပ်ရပ်မှ ကရင်အမျိုးသားခေါင်းဆောင်များနှင့် အောက်လွှတ်တော်အမတ်များအား တွေ့  ဆုံစေပြီး၊ မည်သည့်နေ့ ရက်တွင် ကရင်နှစ်သစ်ကူးနေ့ ကျင်းပရန် သင့်လျှော်မည်ကို ရှေးအထောက်အထားများ၊ အကြောင်းအရာများကို စုံစမ်း၍ “ဒေါကလူ”အသင်းကြီးအား ပြန်လည်အစီရင်ခံစေသည်။
ထို့ကြောင့် အနယ်နယ်အရပ်ရပ်မှ အစီရင်ခံစာများ ပေးပို့ ကြသည်သာမက “ဆရာယာနီ”ဆိုသူ ကိုယ်တိုင်လာရောက်တွေ့ ဆုံသည်။ “ဆရာယာနီ”သည် မြောင်းမြခရိုင်- တကူးဆိပ်ရွားသာညးဖြစ်၍ ဖါပွန်တွင် ကျောင်းဆရာအဖြစ် နှစ်ပေါင်းများစွာ အလုပ်လုပ်ခဲ့သူဖြစ်သည်။ ၎င်းနှင့်အတူ တောင်ပေါ်ကရင်ဒေသရှိ ကရင်အမျိုးသားများ အသုံးပြုသော ပျဉ်ပြားပြက္ခဒိန်ကို ယူဆောင်လာ၍ တင်ပြသည်။ ထိုပျဉ်ပြားပြက္ခဒိန်တွင် တနှစ်လျှင် (၁၂)လ ပါရှိ၍ ပထမလမှာ ပြာသိုလဖြစ်ကြောင်း သက်သေအထောက်အထားနှင့် တင်ပြပါသည်။
ထို့ အတူ “ဒေါကလူ”အသင်းကြီး၏ အထွေထွေအတွင်းရေးမှူး မန်းဘခင်မှလည်း နှစ်ပေါင်း (၇၀)ကျော်က စတင်ထုတ်ဝေခဲ့သည့် ပိုးကရင်သင်ပုန်းကြီ်းနှင့် ဖတ်စာအုပ်ကို တင်ပြပါသည်။
အဆိုပါစာအုပ်တွင် တနှစ်လျှင် (၁၂)လ ပါရှိပြီး ပြာသိုလမှာ ပထမလ ဖြစ်ကြောင်း ဘိုးဘွားများလက်ထက်မှစ၍ ယနေ့ တိုင်အောင် ကရင်နှစ်သစ်ကူးနေ့ ကို ပြာသိုလဆန်း (၁)ရက်နေ့ တွင် ကျင်းပကြောင်း တင်ပြသွားပါသည်။
ထို့ ကြောင့် သမိုင်းဝင်နေ့ တနေ့ ရရှိရန် ကရင်နှစ်သစ်ကူးနေ့ အဖြစ် တင်သွင်းရာ၌ ပထမဦးစွာ အောက်လွှတ်တော်မှ စတင် တင်သွင်းရမည်ဖြစ်၍ ကရင်အမတ် (၁၅)ဦး၏ ဒုတိယဥက္ကဌဖြစ်သော စောဂျွန်ဆင်ဒီဖိုးမင်း (Saw Joh Nson –D- P0min)သည် နေ့ ရက်သတ်မှတ်ရေးအတွက် တာဝန်ယူရသည်။ ထို့  ကြောင့် စောဂျွန်ဆင်ဒီဖိုးမင်း သည် တောင်ငူမြို့ ရှိ ကရင်သက်ကြီးဝါရင့်သူတချို့ နှင့် ဆွေးနွေးခဲ့ပြီး သရာမိုးလို (ကရင်အမျိုးသားအလံတော် ပုံစံတင်သွင်းရာတွင် ဒုတိယဆုရရှိသူ)အား ဆက်လက် တာဝန်လွှဲအပ်ခဲ့ကြသည်။
သရာမိုးလိုသည် ကရင်အမျိုးသားတို့ ၏ ခုနှစ်သက္ကရာဇ်သည် နှစ်ပေါင်းမည်မျှရှိကြောင်းနှင့် ကရင်အမျိုးသားတို့ ၏ နှစ်သစ်ကူးနေ့ သည် မည်သည့်နေ့ ၊ လ၊တွင် ဖြစ်ကြောင်း ဟူသော အချက် နှစ်ချက်အပေါ် မူတည်၍ ရှာဖွေသုတေသနလုပ်ခဲ့ပြီး ပြည်လည်တင်ပြခဲ့သည်။

အရှေ့ တိုင်းသုတေသနကြီးနှစ်ဦးဖြစ်သော ဂျီ၊ အိပ်ခ်ျ၊ လူစ့်(G.H.Luce)နှင့် ဂျီ၊ အီး၊ ဟာဗီ(G.E. Harvey)တို့ ၏ မှတ်တမ်းပြုချက်အရ၎င်း၊ အမျိုးသားပညာဝန် ဦးဖိုးကျား ရေးသားသော မြန်မာရာဇ၀င်အရ၎င်း၊ ကရင်လူမျိုးများသည် မြန်မာနိုင်ငံသို့  ရှေးဦးစွာ ၀င်လာခဲ့ကြသည်မှာ ဘီ။ စီ ၇၃၉ ခုနှစ်က ဖြစ်ကြောင်း သိရှိရပေသည်။
သို့ ဖြစ်၍ သရာမိုးလိုက ကရင်သက္ကရာဇ်ကို ကရင်လူမျိုးတို့  မြန်မာနိုင်သို့  ၀င်ရောက်လာခဲ့ကြသည့် ထိုနှစ်မှ အစပြု၍ ရေတွက်ရန် အဆိုပြုခဲ့၏။ ယင်းအဆိုပြုချက်ကို အေ၊ ဒီ ၁၉၃၆ ခုနှစ်တွင် တင်သွင်းခဲ့ရာ၊ ကရင်လူမျိုးများ မြန်မာနိုင်ငံသို့  စတင်ဝင်ရောက်လာခဲ့ကြသည့် ဘီ၊ စီ ၇၃၉ ခုနှစ်မှ စ၍ ရေတွက်သော် နှစ်ပေါင်း (၂၆၇၅)နှစ် ရှိပြီးဖြစ်သည်။
တောင်ငူမြို့ ရှိ သက်ကြီးဝါကြီးများ၏ သဘောတူညီ သတ်မှတ်လိုက်သည့် နေ့ ရက် (သလေလဆန်း (၁)ရက်)ကို ဥပဒေပြုအောက်လွှတ်တော်တွင် တင်သွင်းအဆိုကို စောဂျွန်ဆင်ဒီဖိုးမင်း လက်မှတ်ထိုး၍ အောက်လွှတ်အစည်းအဝေးတွင် တင်သွင်းခဲ့၏။ ၁၉၃၇ ခုနှစ်၊ သြဂုတ်လ ၂၃ ရက်နေံတွင် ကျင်းပပြုလုပ်သော ဥပဒေပြုအောက်လွှတ်တော် အစည်းအဝေးမှတ်တမ်းတင်ချက်အရ (Presented)ဟူ၍ မှတ်တမ်းတင်ထားသည်။
ယင်းကိစ္စနှင့်ပတ်သက်၍ အထက်လွှတ်တော်မှ ဆရာစံဘော် က ဆက်လက်ဦးဆောင်၍ ၀န်ကြီး စောဖေသာနှင့် ညှိနှိုင်းပြီး၊ ဒေါက်တာ ဘမော်အစိုးရအဖွဲ့ သို့  တင်ပြ၍ အစိုးရ၏ သဘောတူညီချက်အရ (Cabi-net Executive Pow – er)ဖြင့် ဘုရင်ခံထံသို့  တင်ပြနိုင်၍ ဘုရင်ခံ၏ သဘောတူညီချက်ကြောင့် အစိုးရရုံးများနှင့် လွှဲပြောင်းနိုင်သည်။
စာချုပ်စာတမ်း အက်ဥပဒေ (Ne – G0tiable Instrument act.) အစိုးရ အသိအမှတ်ပြု ရုံးပိတ်ရက်အဖြစ် ရရှိခဲ့သည်။
အစိုးရ၏ ပထမဦးဆုံး အသိအမှတ်ပြု ရုံးပိတ်ရက်မှာ ၁၉၃၈ ခုနှစ်၊ ဇန်န၀ါရီလ (၁)ရက် (၁၂၉၉ ခုနှစ် ပြာသိုလဆန်း (၁)ရက်နေ့ ဖြစ်ပြီး၊ ၎င်းနေ့ တွင် ၀တ်လုံတော်ရ ဆစ်ဒနီလူနီက အသံလွှင့်မိန့် ခွန်း ပြောကြားခဲ့သည်။ ၁၉၃၈ ခုနှစ်တွင် ပေါ်ထွက်လာသည့် “သာ့ပွာဖိုးလင်းတေး” ပြုစုရေးဆွဲခဲ့သည့် ကရင်အမျိုးသားပြက္ခဒိန်အရ၊ တစ်နှစ်ပြည့်မြောက်၍ ၁၉၃၈ ခုနှစ်၊ ဒီဇင်ဘာလ (၂၁)ရက်နေ့ တွင် ကျရောက်သည့် ကရင်နှစ်သစ်ကူးနေ့ ပွဲတော်တွင် ကရင်အမျိုးသားခေါင်းဆောင်ကြီး (၅)ဦး ဖြစ်ကြသော ဒေါက်တာစံစီဖိုး၊ မန်းရွှေဘ၊ မန်းလှဖေ၊ စောဆစ်ဒနီလူနီနှင့် စောဖေသာတို့ က သြ၀ါဒ သ၀ဏ်လွှာပေးပို့ ခဲ့သည်။
(သ၀ဏ်လွှာ ပေးပို့ သည့် နေ့ စွဲမှာ “သာ့ပွာဖိုးလင်းတေး”၏ ပြက္ခဒိန်အရ ၁၉၃၈ ခုနှစ်တွင် နှစ်ကြိမ်မျှ ကျရောက်ခြင်းကြောင့် ရက် အမှန် (၂၁ - ၁၂ - ၁၉၃၈) အစား (၂၁ - ၁၂ - ၁၉၃၉)ဟူ၍ ဖြစ်နေကြောင်း သတိပြုအပ်၏)
မည်သို့ ပင်ဆိုစေ ယနေ့  ကရင်အမျိုးသားထုတရပ်လုံးက သရာမိုလို၏ ရှာဖွေချမှတ်ပေးခဲ့သည့် ကရင်နှစ်သစ်ကူး နေ့  ဖြစ်သော “သလေ”လဆန်း (၁)ရက်ဟု အတည်ပြုထားသော ပြာသိုလဆန်း (၁)ရက် သို့ မဟုတ် “ထိုင်ခေါက်ဖိုး”လဆန်း (၁)ရက် ကိုသာ ဆက်လက် အတည်ပြုလက်ခံနေကြကြောင်း တွေ့ ရှိပါသည်။

ဆက်လက်ဖတ်ရှုမယ်...

ပြန်သိမ်းမယ်...

ကရင်အမျိုးသားနေ့ဖြစ်ပေါ်လာပုံ

ကရင်အမျိုးသားနေ့ ဖြစ်ပေါ်လာပုံ
၁၉၄၈ခုနှစ်ဖေဖော်ဝါရီလ (၃) ရက်နေ့ တွင် KNU ကရင်အမျိုးသားအစည်းအရုံးက ဖဆပလ အစိုးရထံ ကရင်ပြည်ပေး ရန် စာရေးတောင်းဆိုခဲ့သည်။ စာကို တစ်လအတွင်း (၁၉၄၈) ခုနှစ်၊ မတ်လ (၃) ရက်နေ့ နောက်ဆုံးထားပြီး ဖဆပလ အစ်ိုရမှ KNU ထံ အကြောင်းပြန်ရန်၊ ပြန်စာမရရှိပါက (သို့ မဟုတ်) ကရင်ပြည်ပြန်ပေးဖို့ ရန် ငြင်းဆိုပါက ကရင် အမျိုးသားများ ခြေတစ်လှမ်း တက်လှမ်းမည်ဟု ပါရှိပါသည်။ ကရင်ပြည်တောင်းဆိုစာ ပိုမိုလေးနက်စေရန် ဖေဖေါ်ဝါရီ လ (၁၁)ရက်နေ့ ၌ မြန်မာတပြည်လုံးရှိ ကရင်အမျိုးသားများအားလုံး ကရင်ပြည်လိုလားကြောင်း မြို့ ပေါ်တက် ကရင် လူဆန္ဒပြပွဲ ကျင်းပရန် ဆုံးဖြတ်ခဲ့ကြသည်။ ယင်ဆုံးဖြတ်ချက်အတိုင်း (၁၉၄၈) ခုနှစ်၊ ဖေဖေါ်ဝါရီလ (၁၁) ရက်နေ့  တွင် မြန်မာပြည်တပြည်လုံးရှိ ကရင်အမျိုးသားများမြို့ ပေါ်တက်၍ ကရင်ပြည်လိုလားကြောင်း ကရင်လူထူဆန္ဒပြပွဲ ကျင်းပလေသည်။
အောက်မြန်မာပြည် ကရင်အများစု ရှိရာဒေသများတွင်သာမက မြောက်ဖက်မြစ်ကြီးနားမှ တောင်ဖက်မြိတ်မြို့့အထိ၊ ရှမ်းပြည်နယ်တွင် နမ့်ခမ်း၊ ကွတ်ခိုင်၊ လားရှိုး၊ တောင်ကြီး၊ ကျိုင်းတုံ၊ မြန်မာပြည်အလယ်ပိုင်းတွင် မိတ္ထီလာ၊ ချောက်၊ ရေနံချောင်း စသည်ဖြင့် တပြည်လုံးတွင် ဆန္ဒပြကြသည်။ ရန်သူဖဆဖလမှလည်း ခြိမ်းခြောက်နှောက်ယှက် တား မြစ်ခြင်းကို အမျိုးမျိုးပြုလုပ်ခဲ့သည်။ သို့ သော် နှောက်ယှက်တားမြစ်ခြင်း အမျိုးမျိုးကြားမှ ကရင်တမျိုးသားလုံး (၂) ရက်၊ (၃) ရက်ခရီးများချီတက်၍ ဆန္ဒပြရာ ကရင်အမျိုးသား၊ အမျိုးသမီးပေါင်း (၄)သိန်းကျော် အသံတိတ် ဆန္ဒပြ၍ ထိုနေ့ ရက်အထိ မြန်မာပြည်သမိုင်းတွင် အကြီးမားဆုံး ဆန္ဒပြပွဲဖြစ်ခဲ့သည်။
ကရင်အမျိုးသားများသည် ကြွေးကြော်သံ (၄) ချက်ဖြင့် ချီတက်ဆန္ဒပြခဲ့ကြသည်။
(၁) ကရင်ပြည်ချက်ခြင်းပြန်ပေး၊ (၂) ကရင်တကျပ်၊ ဗမာတကျပ်
(၃) လူမျိုးရေးအဓိကရုဏ်း အလိုမရှိ၊ (၄) ပြည်တွင်းစစ်အလိုမရှိ
စသည့်ကြွေးကြော်သံများပါသော ပိုစတာများ ကိုင်စွဲပြီး မြို့ များအတွင်းလှည့်လည်၍ ငြိမ်းချမ်းစွာအသံတိတ် ဆန္ဒပြကြ ရာ မြန်မာပြည်သမိုင်းတွင် စည်ကမ်းအရှိဆုံး ဆန္ဒြုပပွဲအဖြစ် သမိုင်းတွင်ရစ်ခဲ့သည်။ ဤနိုင်ငံရေး ကြွေးကြွော်သံများ သည် ကရင်လူမျိုးများအနေနှင့်အခြားလူများနည်းတူ အမျိုးသားတန်းတူရေးနှင့် ကိုယ်ပိုင်ပြဌာန်းခွင့်ကိုလိုလားကြောင်း ပြည်တွင်းစစ်ကိုမလိုလားကြောင်း၊ နိုင်ငံရေးပြသနာကို နိုင်ငံရေးနည်းနှင့်သာ တရားမျှတစွာ ဖြေရှင်းလိုကြောင်း ပွင့်ပွင့် လင်းလင်း ဖော်ပြခြင်းဖြစ်သည်။ ကရင်ကံကြမ္မာကရင်ဖန်တီးခွင့်ရရှိရေးနှင့် ပတ်သက်သည့် ကရင်အမျိုးသားရေး လှုပ် ရှားမှု သမိုင်းကြီးသည် နိုင်ငံရေးသမိုင်းတစု၊ သာမန်လူတစု၏ လှုပ်ရှားမှုမဟုတ်ဘဲ တမျိုးသားလုံးလက္ခဏာဆောင် သည် ကရင်အမျိုးသားရေး လှုပ်ရှားမှုကြီး ဖြစ်ကြောင်းကို ကရင်လူထူဆန္ဒပြပွဲကြီးက ဖေါ်ထုပ်ပြသလိုက်ခြင်း ဖြစ်သည်။ တဆက်တည်းမှာပင် ကရင်အမျိုးသားလှုပ်ရှားမှုနှင့် ကရင်တော်လှန်ရေးသည် ပြည်ပသွေးထိုးမှုကြောင့်ဖြစ်ပေါ်လာခြင်း မဟုတ်ကြောင်း ပြသလိုက်ခြင်းပင်ဖြစ်သည်။
ကရင်အမျိုးသားထု ဆန္ဒပြပွဲ၏ နိုင်ငံရေးအဓိပ္ပါယ် ကရင်တမျိုးသားလုံး၏ နိုင်ငံရေးအသိ မျိုးချစ်ပြည်ချစ် စိတ်ဓါတ်ကို မွေးထုတ်ပြသည့်နေ၊ ကရင်တမျိုးသားလုံး၏ စည်းလုံးညီညွတ်မှုကို ဖော်ထုပ်ပြသည့်နေ့ ၊ ကရင်အမျိုးသားများ၏ ဇာတိ သွေး၊ ဇာတိမာန်ကို ရဲရဲတောက် ဖော်ထုပ်ပြသည့်နေ့ ၊ နိုင်ငံရေး လက်ဦးမှုကို ကရင်များရယူသည့်နေ့ ၊ ကရင်ကိုကမ္ဘာ က ပိုမိုသိစေသည့်နေ့ ပင်ဖြစ်သည်။ အဆိုပါအကြောင်းများကြောင့် (၁၉၅၃)ခုနှစ်၊ နိုဝင်ဘာလ (၂၃) ရက်မှ (၂၅) ရက် နေ့ အထိ ဖာပွန်မြို့ တွင်ကျင့်ပသော ကော်သူလေးပြည်လုံးဆိုင်ရာ
ကွန်ကရက်မှ ဖေဖေါ်ဝါရီလ (၁၁) ရက်နေ့ ကို ကရင်အမျိုးသားနေ့ ဟု သတ်မှတ်ကျင့်ပရန် မြစ်ဝကျွန်းပေါ်အမှတ် (၁) ခရိုင်ဥက္ကဌ ဦးကျော်အေးက အဆိုပြုပြီး မြစ်ဝကျွန်းပေါ် အမှတ် (၁) တပ်မမှုး ဗိုလ်ချုပ်ပေါ်ထူးက ထောက်ခံ၍ ကွန်က ရက် ကိုယ်စားလှယ်များက ကန့် ကွက်သူလုံးဝမရှိဘဲ တညီတညွတ်တည်း အတည်ပြုလိုက်ရာ ကရင်လူထူဆန္ဒပြပွဲ ဖြစ်သည့် ဖေဖေါ်ဝါရီလ (၁၁) ရက်နေ့ သည် ကရင်အမျိုးသားနေ့  ဖြစ်လာလေသည်။

ဆက်လက်ဖတ်ရှုမယ်...

ပြန်သိမ်းမယ်...

ကရင်အမျိုးသားအလံတော်

ကရင်အမျိုးသားအလံတော်

ကရင်အမျိုးသားအလံတော်
၁၉၃၆ခုနှစ် ဒေါက်တာဘမော်၏ ညွန့် ပေါင်းအစိုးရလက်ထက်တွင် ကရင်အမျိုးသားအမျိုးသား အဖွဲ့ ချုပ် ကြီး ၏ ဆုံးဖြတ်ချက်အရ လွှတ်တော်အတွင်းရှိ ကရင်အမတ်များသည်
(၁) ကရင်နှစ်သစ်ကူးနေ့ (ကရင်အမျိုးသားနေ့ )
(၂) ကရင်အမျိုးသားသီိချင်း
(၃) ကရင်အမျိုးသားအလံတော် စသည်တို့ ကို တောင်းဆိုခဲ့ကြသည်၊၊
ဤတောင်းဆိုချက်များရရှိသောအခါ ကရင်အမျိုးသားအဖွဲ့ ချုက်ကြီးသည် ကရင်ခေါင်းဆောင်များနှင့် ကရင်အမျိုး သားများထံ “ ကရင်အမျိုးသားအလံ” ပုံစံများရေးစွဲ၍ တင်ပို့ ကြရန်မေတ္တာရပ်ခံခဲ့သည်။ ကရင်အမျိုးသား အဖွဲ့  ချုပ်ကြီး ၏ မေတ္တာရပ်ခံချက်အရ အနယ်နယ်အရရရှိ ကရင်အမျိုးသားများထံမှ အလံပုံစံပေါင်း တစ်ရာကျော်ရောက်ရှိလာခဲ့ သည်။ ။
ကရင်အမျိုးသားအဖွဲ့ ချုပ်ကြီးသည် ရှောက်ရှိလာသော ကရင်အလံပုံစ့တစ်ရာအနက်မှ အလံပုံစံ ၁၂ ခုကို ပဏာမ အ ဆင့် ရွေးချယ်လိုက်သည်။ထိုမှတဆင့် (၁၂)ခုအနက်မှစိတ်ကြိုက်(၃)ခုကို ထပ်မံရွေး ချယ်ခဲ့ သည်။ နောက်ဆုံး(၃)ခုမှ အသင့်တော်ဆုံးအကြိုက်ဆုံးတစ်ခုကို အတည်ပြုရွေးချယ်ခဲ့သည်။ ဤသို့ နောက်ဆုံးအတည်ပြုရွေး ချယ်လိုက်သော အလံ မှာမန်းဘခင်(၀န်ကြီးဟောင်း) ရေးဆွဲသောအလံ ပုံစံပင်ဖြစ်သည်။ ယခုတရားဝင်အတည်ပြုသုံးစွဲ နေသော အလံတော်သည် ဤအလံပင်ဖြစ်သည်။
အနီရောင်၊ အဖြူရောင်၊ အပြာရောင် သုံးရောင်ခြယ်ပေါ်တွင် တက်သစ်စနေ၀န်းနှင့်ဖားစည်ပါရှိသော အလံသည် ကရင်အမျိုးသားအလံပင်ဖြစ်သည်။ ဤသို့ အနီ၊ အဖြူ၊ အပြာ သုံးရောင်ခြယ်နှင့် တက်သစ်စနေ၀န်း ဖားစည်ပါရှိသော အလံနှင့်ပတ်သက်၍ အဓိပ္ပယ်အနှစ်သာရကို အလံပုံစံရှင် မန်းဘခင် သည် အောက်ပါအတိုင်း အဓိပ္ပယ်နှင့်အနှစ်သာရ ကို ဖော်ဆော်ထားပေသည်။
(၁) အလံတော်၏ အနီရောင်သည် ကရင်အမျိုးသားများ၏ ရဲရင့်ခြင်းနှင့် သူရသတ္တိပြည့်စုံခြင်းကို ဖော်ဆော်သည်။
(၂) အလံတော်၏ အဖြူရောင်သည် ကရင်အမျိုးသားများ၏ဘ၀နှင့် စိတ်ထားများဖြူစင်သန့် ရှင်းစင်ကြယ်ခြင်းကို ဖော်ဆောင်ထားသည်။
(၃) အလံတော်၏အပြာနုရောင်သည် ကရင်အမျိုးသားများ၏ ဖြောင်မတ်တည်ကြည်ခြင်းနှင်သစ္စာရှိခြင်းကို ဖော် ဆောင်ထားသည်။
(၄) အလံတော်၏ တက်သစ်စနေ၀န်းသည် ကရင်အမျိုးသားများ၏ လူမှုရေးဘ၀တိုးတက်သာယာရေးကို ဖော် ဆော်ထားသည်။
(၅) အလံတော်၏ ဖားစည်သည် ကရင်အမျိုးသားများ၏ ယဉ်ကျေးမှုနှင့်သာယာဝပြောခြင်းကို ဖော်ဆော်ထားသည်။
ကရင်အမျိုးသားများသည် ကရင်အမျိုးသားအလံတော်ကို လူထုအစည်းအဝေးပွဲများနှင့်ကရင်အမျိုးသားနှစ်သစ် ကူးနေ့ အခမ်းအနားများတွင် ပြည်ထောင်စုအလံတော်နှင့်ယဉ်တွဲ၍ စိုက်ထူကြသည်။ ။

ဆက်လက်ဖတ်ရှုမယ်...

ပြန်သိမ်းမယ်...

ကရင်ပြည်နယ်နေ့အကြောင်းသိကောင်းစရာ

ကရင်ပြည်နယ်နေ့


နိုဝင်ဘာလ(၇)ရက်နေ.သည် ကရင်ပြည်နယ်(ကော်သူးလေ)နေ.ဖြစ်သည်။ ကရင်ပြည်နယ်နေ.ဖြစ်ပေါ်လာပုံမှာ အောက်ပါအတိုင်းဖြစ်လေသည်။

ဖွဲ.စည်းအုပ်ချုပ်ပုံ အခြေခံဥပဒေအပိုဒ် ၁၈၀(၁)အရ သံလွင်ခရိုင်ကိုကရင်ပြည်နယ်အဖြစ် ပထမအဆင့်သတ်မှတ်ခဲ့သည်။
၁၉၅၄ ခုဇွန်လ(၁)ရက်နေ့သို့ ရောက်ရှိပြန်သောအခါ သံလွင်ခရိုင်နှင့် ဆက်စပ်နေသော ဒေသများဖြစ်သည့်
ဘားအံ၊သံတောင်၊လှိုင်းဘွဲ့ မြို့မျာနှင့် ၁၉၅၅ ခုနှစ် ဇူလိုင်လ(၁)ရက်နေ.တွင်ကြာအင်းဆိပ်ကြီး၊ကော့ကရိတ်မြို့နယ်များ ကရင်ပြည်နယ် အကျယ်အ၀န်းနှင့် ကရင်ပြည်နယ် အုပ်ချုပ်မှုအတွင်းသို. ရောက်ရှိလာခဲ့သည်။
ကရင်ပြည်နယ်၏ အကျယ်အ၀န်းမှာ စတုရန်းမိုင်ပေါင်း(၁၁၀၉၁)ဖြစ်သည်။ ကျေးရွာပေါင်း(၄၆၄)ရွာနှင့် လူဦးရေ(၆၀၀၀၀၀)ခြောက်သိန်းခန့်ရှိလေသည်။၁၉၅၆ခုနှစ် ဖေဖော်ဝါ၇ီလ(၂၅)၇က်နေ.တွင် ကျင်းပသော(စုဒ္ဒသမ)
၁၄-ကြိမ်မြောက်ကရင်ပြည်နယ်ကောင်စီညီလာခံမှ ကရင်ပြည်နယ်နေ့ သတ်မှတ်ရေး အဆိုကိုတင်သွင်းရန်
သတ်မှတ်ခဲ့လေသည်။

ကရင်ပြည်နယ်နေ.ကို သတ်မှတ်ရာတွင် အောက်ပါအချက်များပေါ်တွင် မူတည်၍ သတ်မှတ်ခဲ့သည်။

(၁)သံလွင်ခရိုင်ကို ကရင်ပြည်နယ် အဖြစ်သတ်မှတ်ပြီး နိုင်ငံတော်သမ္မတက
အတည်ပြုလက်မှတ်ထိုးပေးသော နိုဝင်ဘာလ(၇)ရက်နေ့။
(၂)ဘာအံ၊လှိုင်းဘွဲ့၊သံတောင် မြိုနယ်များကို ပထမအကြိမ်
ကရင်ပြည်နယ်အတွင်း ပေါင်းစည်းခဲ့သည်။ ဇွန်လ-၁ရက်နေ.။
(၃)ကြာအင်းဆိပ်ကြီး၊ကော့ကရိတ် မြို.နယ်များကို ဒုတိယအကြိမ် ကရင်ပြည်နယ် အတွင်းပေါင်းစည်းခဲ့သည်။
ဇူလှိုင်လ-၁ရက်နေ.။
ဤသုံးရက်နေ့ကို ကရင်ပြည်နယ်နေ့အဖြစ် သတ်မှတ်ရန်စဉ်းစားခဲ့ကြရာ နိုဝင်ဘာလ(၇)ရက်နေ့ကို
ကရင်ပြည်နယ်နေ့အဖြစ် ရွေးချယ်သတ်မှတ်ခဲ့ကြသည်။

(၁)ဇွန်လ-၁ရက်နေ့နှင့် ဇူလှိုင်လ-၁ရက်နေ့တို့သည် မိုးများရွာသွန်းသော မိုးရာသီရက်များ
ဖြစ်သောကြောင့် အခမ်းနားကျင်းပရန် မသင့်လျော်။
(၂)နိုဝင်ဘာ-၇ ရက်နေ.သည် ရာသီဥတုသာယာသော ဆောင်းရာသီနှင့် နွေရာသီဖြစ်သောကြောင့်
အခမ်းအနားကျင်းပရန် ကောင်းမွန်သည်။
(၃)ထိုနေ့(နိုဝင်ဘာ-၇)ရက်တွင် ကရင်ပြည်နယ်နေ့အဖြစ် နိုင်ငံတော် သမ္မတက လက်မှတ်ရေးထိုးခဲ့သည်။
ဤအကြောင်းများကြောင့် နိုဝင်ဘာလ(၇)ရက်နေ့ကို ကရင်ပြည်နယ်နေ့အဖြစ် သတ်မှတ်၍ တရားဝင်
ကျင်းပလာခဲ့ခြင်းဖြစ်သည်။

၁၉၆၄ ခုနှစ် ဧပြီလ(၃)ရက်နေ့တွင် ကရင်ပြည်နယ်ကို ကော်သူးလေ ဟုပြောင်းလဲခေါ်ဆိုခဲ့သည်။ ကော်သူးလေ၏ အကျယ်အ၀န်းမှာ စတုရန်းမိုင်စုစုပေါင်း(၁၁.၀၉၁)တသောင်းတထောင်ကိုးဆယ်တစ်မိုင်ရှိသည်။

ကရင်ပြည်နယ်သည် မြန်မာနိူင်ငံ၏ အရှေ့တောင်ဖျား၊မြောက်ဘက် လတ္တီကျု့ ဒီဂရီ၁၅.၁၅(ရေးမြို့နှင့် တတန်းတည်း)နှင့် ဒီဂရီ ၁၉.၁၃(ရေနီမြို့နှင့် တတန်းတည်း)အရှေ့ဘက်လောင်ဂျီတွဒ်ဒီဂရီ ၉၆.၁၅နှင့် ဒီဂရီ ၉၈.၅၅စပ်ကြားတွင် အနောက်မြောက်မှ အရှေ့တောင်ဆီသို့ခပ်ယွန်းယွန်း ကျဉ်းမြောင်းကွေ့ကောက်ရှည်လျားစွာ တည်ရှိနေသည်။ကရင်ပြည်နယ်၏ နယ်နိမိတ်မှာ မြောက်ဘက်တွင် ရမည်းသင်းခရိုင်၊အရှေ.မြောက်ဘက်တွင်ရှမ်းပြည်နယ် နှင့် ကယားပြည်နယ်၊အရှေ့ဘက်တွင် သံလွင်မြစ်နှင့် ၎င်း၏လက်တက်သောင်းရင်းမြစ်တို့အကြားဖြစ်သည့် ယိုးဒယားနိုင်ငံ၊တောင်ဘက်တွင် ကျိက္ခမီခရိုင်တွင် ပါဝင်သော
ရေးမြို့နယ်၊အနောက်ဘက်တွင် တောင်ငူခရိုင်တွင်ပါဝင်သော ရေတာရှည်မြို.နယ်များ၊သထုံခရိုင်တွင်ပါဝင်သော ဘီးလင်း၊သထုံနှင့် ပေါင်မြို့နယ်များ၊ကျိုက္ခမီခရိုင်တွင် ပါဝင်သော ကျိုက်မရော၊မုဒုံ၊ကျိုက္ခမီနှင့် ရေးမြို့နယ်များရှိကြသည်။


ပြည်နယ်အတွင်းရှိ ခရိုင်အလိုက်၊မြို.နယ်အလိုက် အကျယ်အ၀န်းမှာ သံလွင်(၂၆၆၆)၊လှိုင်းဘွဲ(၁၇၆၄)၊ဘားအံ(၁၀၀၇)၊ကော့ကရိတ်(၁၉၆၃)၊ကြာအင်းဆိပ်ကြီး(၁၂၃၈)၊

သံတောင်(၇၀၃)စတုန်းရန်းမိုင် အသီးသီးရှိကြသည်။ ကရင်ပြည်နယ်၏မြို.တော်သည် ဘားအံ မြို.ဖြစ်သည်။

ကရင်ပြည်နယ်အလံ

(၁)အလံ၏ပုံစံ-ထောင်မှန်စတုဂံပုံ ဖြစ်သည်။
(၂)အလံအရောင်-လက်ဝဲဘက်အပေါ်ဘက်ထောင့် အလံ၏သုံးပုံ
တပုံနေရာတွင် ကြယ်ဖြူတလုံး၊ကျန်အပိုင်းတို့တွင် အပြာရောင် အလံ၏
အလယ်တွင် အဖြူရောင်၊အလံ၏အောက်ဆုံးပိုင်းတွင် အနီရောင်ဖြစ်သည်။

(၃)အလံ ပမာဏ အရွယ်အစား
အလံအကြီးဆုံး ……..အလျား(၉)ပေ၊အနံ(၅)ပေ
အလံအလတ်စား …….အလျား(၆)ပေ(၆)လက်မ
အနံ (၃)ပေ (၄)လက်မ
အလံ အငယ်စား ……အလျား(၄)ပေ (၆)လက်မ
အနံ (၂)ပေ (၆)လက်မ
။ ။ ။။ အလျား(၃)ပေ
အနံ(၁)ပေ(၈)လက်မ
။ ။ ။။ အလျား(၃)ပေ
အနံ(၁)ပေ(၈)လက်မ
။ ။ ။။ အလျား(၂)ပေ (၆)လက်မ
အနံ(၁)ပေ (၄)လက်မခွဲ။
။ ။ ။။ အလျား(၂)ပေ
အနံ(၁)ပေ (၁)လက်မ
။ ။ ။။ အလျား(၁)ပေ (၆)လက်မ
အနံ(၁၀)လက်မ
။ ။ ။။ အလျား(၁)ပေ
အနံ(၇)လက်မခွဲ
ဤသည်တို့ကား ကရင်ပြည်နယ် အလံအရွယ်အစားမျိုစုံဖြစ်ပေသည်။

အဓိပ္ပါယ်နှင့်အနှစ်သာရ

(၁)အလံ၏ လက်ဝဲဘက် သုံးပုံတပံနေရာ တိမ်ထဲမှ ကြယ်ကြီးတလုံးမှာ
ပြည်ထောင်စုထဲမှ ပြည်နယ်တခုဖြစ်ကြောင်း အဓိပ္ပါယ်ဖော်ဆောင်ထားခြင်းဖြစ်သည်။

(၂)အပြာရောင်သဘောမှာ တည်ကြည်၊နက်နဲ၊ငြိမ်းချမ်းသော အမှတ်လက္ခဏာ ဖြစ်သည်။

(၃)အဖြူရောင်၏ သဘောမှာ ဖြူစင်ခြင်းနှင့် သန့်ရှင်းစင်ကြယ်ခြင်း၏ လက္ခဏာဖြစ်သည်။

(၄)အနီရောင်၏ သဘောမှာမူ ရဲ.ရင့်ခြင်း၊သတိရှိခြင်း၊ဇွဲကောင်းခြင်း၊သွေးစည်းညီညွတ်ရေး၏ အဓိပ္ပါယ်အနှစ်သာရများကို ဖော်ဆောင်ထားခြင်းဖြစ်သည်။
ဤသည်တို့ကား ကရင်ပြည်နယ် အလံအကြောင်းဖြစ်သည်။

ကရင်ပြည်နယ်တံဆိပ်

(၁)အလယ်တွင် ဘားစည်မျက်နှာပြင်နှင့် သီလ၊သမာဓိ၊သစ္စာ အမှတ်အသား
စာလုံးများရေးသားထားသည်။
(၂)လက်ျာဘက်တွင် ဆင်ရုပ်တုတခု၊။
(၃)လက်ဝဲဘက်တွင် ဆင်ရုပ်တုတခု၊။
(၄)ဦးထိပ်ဘက်တွင် ခြင်္သေ့ရုပ်တခု။
ဤအမှတ်သား၊ဤစာသား၊ဤအခြင်းအရာများပါရှိသော တံဆိပ်သည်။ ကရင်ပြည်နယ် တံဆိပ်ဖြစ်သည်။

အဓိပ္ပါယ်အနှစ်သာရ

(၁)တံဆိပ်၏အလယ်မှ ဘားစည်မျက်နှာပြင်၏ အဓိပ္ပါယ်မှာ ကရင်အမျိုးသားများ၏ ယဉ်ကျေးမှုဘ၀ကို ဖော်ပြထားသော ယဉ်ကျေးမှုပစ္စည်းဖြစ်ခြင်း။
(၂)သီလ၊သမာဓိ၊သစ္စာစာလုံးများ၏အဓိပ္ပါယ်မှာကရင်အမျိုးသားများသည်အကျင့်သီလပြည့်စုံကောင်းမွန်ခြင်း၊

ဖြောင့်မတ်တည်ကြည်ရိုးသားခြင်း၊သစ္စာရှိခြင်းစသောအရည်အချင်းကောင်းများကို ဖော်ပြထားခြင်းဖြစ်သည်။
(၃)တံဆိပ်၏ လက်ျာဘက်မှဆင်နှင့် လက်ဝဲဘက်မှ ဆင်ရုပ်တို့မှာ ပြည်ထောင်စု မြန်မာနိူင်ငံအတွင်း ကရင်ပြည်နယ်သည် သစ်များကို ဒုတိယအများဆုံး ထုတ်လုပ်နိူင်ခြင်းကိုဖော်ပြထားသည့် အဓိပ္ပါယ်ဖြစ်သည်။
(၄)တံဆိပ်၏ ဦးထိပ်ပိုင်းမှ ခြင်္သေ့ရုပ်မှာမူ ပြည်ထောင်စုမြန်မာနိူင်ငံ၏ တံဆိပ်တွင်
ခြင်္သေ့ရုပ်ပါရှိသည့်အတိုင်း ပြည်ထောင်စုမြန်မာနိူင်ငံ၏ အဖွဲ့ဝင်ပြည်နယ်တခုဖြစ်ကြောင်း ဖော်ပြထားခြင်းဖြစ်ပေသည်။
အမျိုးသားစာပေဆုနှင့် လူ့အခွင့်ရေးဆုရ ဖူ့မောင်စင်ကြယ်၏ ကရင့်ဘ၀ဓလေ့ စာအုပ်မှဖော်ပြပါသည်။

မူရင်း။ ။ကရင်အမျိုးသား မိတ်သဟာယ(ကိုးရီးယား)မှ ပြန်လည်ဖော်ပြပါတယ်။ ဘာပဲဖြစ်ဖြစ် သမိုင်းဆိုတာ သိထားသင့်ပါသည်။ အရင်က ဒီကရင်ပြည်နယ်နေ့ ဖြစ်ပေါ်လာပုံသမိုင်းကို မသိခဲ့ရိုး အမှန်ပါ။ ဘာကြောင့်ဖြစ်ပေါ်လာသည်ကိုလည်း မသိခဲ့ပါ။ ခုမှ ကောင်းကောင်းသိခွင့်ရလိုက်ပြီ ဒါကြောင့် မသိသေးတဲ့ သူများရှိရင် ဗဟုသုတအဖြစ် သိရှိနိုင်အောင် တင်ပြလိုက်ပါတယ်။ ရှေ့သမိုင်းကို သိမှ နောင်လာမည့် သမိုင်းကို ကောင်းကောင်းရေးနိုင်မည်ဟု ယုံကြည်မိပါသည်။ကျေးဇူးလည်း အများကြီးတင်ပါတယ်နော့်..။

တစ်ဆင့် စောမူယံင့်ဖါန်မှ

ဆက်လက်ဖတ်ရှုမယ်...

ပြန်သိမ်းမယ်...